Mikawanoh Pamilon Piala Dunia 2014 (5): Koréa Kidul


Pikeun wewengkon padaratan Asia mah, tim méngbal Koréa Kidul bisa disebut pangjagona ti béh ditu mula. Préstasina kacida nyongcolangna tibatan nagara di wewengkon Asia séjénna. Dina taun 1948, tim méngbal Koréa Kidul ngiluan Olimpiadeu pikeun anu munggaran. Organisasi anu ngokolakeun perkara méngbal di ieu nagara geus diwangun dina taun 1928. Malahan turnamén méngbalna sorangan mah geus lumangsung ti taun 1921 kénéh.

Dina taun 1960-an tim méngbal Koréa Kidul jadi jawara di wewengkon Asia kalawan ngajawaraan Piala Asia dina sababaraha kali entragan. Mimiti taun 1986, Koréa Kidul henteu elat ngiluan Piala Dunia. Sanajan dina tatandang undakan puncerna teu pernah meunang atawa asup kana undakan anu leuwih luhur deui. Nalika Piala Dunia 2002 anu dilumangsungkeun di nagri Koréa/Jepang, tim méngbal Koréa Kidul kakara bisa nérékél kana undakan anu leuwih luhur. Nagri Koréa Kidul bisa asup undakan semifinal sanggeus bisa ngéléhkeun tim méngbal nagri anu leuwih maju saperti Itali jeung Spanyol. Tungtungna Koréa Kidul bisa nyangking jawara kaopat sanggeus diéléhkeun ku nagri Turki dina parebutan jawara katilu.

Pamaen bal Korea Kidul
Pamaen bal Korea Kidul

Dina Piala Dunia 2010, Koréa Kidul ogé lumayan alus bisa asup kana undakan kadua Piala Dunia anu dilumangsungkeun di nagri Aprika Kidul.

Pikeun asup ka babak puncer Piala Dunia 2014 di Brasil, Koréa Kidul henteu gampang ngalakonanana. Dina dua undakan babak kualifikasi, Koréa Kidul henteu bisa meunangkeun sakabéh tatandangna. Dina tatandang kadua kalina dina undakan katilu ngalawan nagri Libanon, Koréa Kidul éléh. Ngan untung waé dina tatandang panungtungan bisa ngéléhkeun tim Kuwait. Antukna Koréa Kidul bisa asup kana undakan kaopat. Sedengkeun dina tatandang di undakan kaopatna, tim méngbal Koréa Kidul dua kali kaéléhkeun ku nagri Iran. Panungtunganana, Koréa Kidul bisa langsung asup babak puncer Piala Dunia 2014 sanggeus leuwih loba nyieun gul tibatan nagri Uzbékistan anu miboga niléy anu sarua. Koréa Kidul nyusul nagri Iran anu jadi pinunjul kahiji dina undakan kaopat grup A.

Data ngeunaan Méngbal Koréa Kidul

-
Organisasi Korea Footbal Association (KFA)
Ngadeg 1928
Konfederasi Asian Football Confederation (AFC)
Ngiluan AFC 1954
Ngiluan FIFA 1948
Nu Ngalatih Cho Kwang Bae
Kapten Tim
Rengking FIFA
Saragam Bodas – Bodas
Sesebutan Taeguk Warrior
Pangalaman Piala Dunia
1930 Teu ngiluan
1934 Teu ngiluan
1938 Teu ngiluan
1950 Teu ngiluan
1954 Undakan Kahiji
1958 Teu ngiluan
1962 Teu ngiluan
1966 Mundur
1970 Teu asup
1974 Teu asup
1978 Teu asup
1982 Teu asup
1986 Undakan kahiji
1990 Undakan kahiji
1994 Undakan kahiji
1998 Undakan kahiji
2002 Jawara Kaopat
2006 Undakan kahiji
2010 Undakan Kadua
Lalampahan ka Piala Dunia 2014
Babak Kualifikasi Wewengkon Asia
Undakan Kahiji
Undakan Kadua
Undakan Katilu Jawara Kahiji Grup B
Koréa Kidul – Libanon 6 – 0
Kuwait – Koréa Kidul 1 – 1
Koréa Kidul – Uni Emirat Arab 2 – 1
Uni Emirat Arab – Koréa Kidul 0 – 2
Libanon –  Koréa Kidul 2 – 1
Koréa Kidul – Kuwait 2 – 0
Undakan Kaopat Jawara Kadua Grup A
Qatar – Koréa Kidul 1 – 4
Koréa Kidul – Libanon 3 – 0
Uzbekistan – Koréa Kidul 2 – 2
Iran – Koréa Kidul 1 – 0
Koréa Kidul – Qatar 2 – 1
Libanon – Koréa Kidul 1 – 1
Koréa Kidul – Uzbekistan 1 – 0
Koréa Kidul – Iran 0 – 1

(Gambar meunang nginjeum ti internet)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s