Pagelaran Pencak Silat Pangtohagana di Taun 2014


Nurutkeun inpo anu diancokeun ku Pikiran Rakyat sababaraha waktu anu ka tukang, DPD P3S (Persatuan Penggemar Pencak Silat) Gagak Lumayung Jawa Barat baris ngalumangsungkeun kagiatan féstival Pencak Silat anu dijejeran “Festival Pencak Silat Jawa Barat 2014”. Ieu acara téh diayakeun di Bumi Perkemahan Kiarapayung Kacamatan Jatinangor Sumedang dina ping 16 Pébruari.

Pagelaran Pencak Silat 2014
Pagelaran Pencak Silat 2014

Aya sababaraha kagiatan anu ngeusi ieu féstival diantarana waé nyieun Rekor Muri Rampak Penca anu diiluan ku sarébu urang tukang penca. Panambahna nyaéta workshop jeung paméran paguron penca Jawa Barat, paméran industri motékar Penca Jawa Barat jeung pasar rahayat (paméran kadaharan tradisi) Jawa Barat. Anu ngiluan kana ieu kagiatan téh lain ngan ukur urang Jawa Barat wungkul. Cenah mah bakal diiluan ogé ku tukang silat anu asalna ti luar nagri kayaning Walanda, Ostrali, Malaysia, Brunéi, Perancis katut Italia.

Numutkeun pupuhu DPD P3S Gagak Lumayung Jawa Barat, Pa H. Yusyus Kuswandana, ieu kagiatan dilumangsungkeun pikeun jadi dadasar ka hareupna dina ngariksa budaya Indonésia hususna pencak silat.

Ngeunaan dipilihna Kiarapayung dijadikeun tempat ieu féstival kusabab kaasup wewengkon Kabupatén Sumedang anu miboga program SPBS (Sumedang Puseur Budaya Sunda) anu geus disatujuan ku para sesepuh di Jawa Barat. Terus ogé kusabab pikeun ngajugjug ka ieu tempat henteu jauh ti jalan tol Cileunyi. Pangleuleuwihna, Kiarapayung mangrupakeun tempat paranti kagiatan Pramuka tingkat nasional.

(Gambar meunang nginjeum ti Agaz Ultraman)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s