Mikawanoh Pamilon Piala Dunia 2014 (2): Jepang


Ngeunaan méngbal pikeun masarakat Jepang bisa disebutkeun anyaran dipigandrungna. Saméméh taun 1990-an mah, jarang anu mikaresep kana méngbal téh. Malahan mah apanan liga propésionalna ogé kakara aya dina taun 1990-an. Ti dinya, méngbal di Jepang mimiti mekar. Kleub méngbal (propesionalé) beuki nambahan ku diayakeunana liga Jepang (J-league). Atuh, tukang méngbalna (pamaén bal) ogé beuki loba, pon kitu deui anu mikaresepna beuki nambahan (beuki loba anu lalajo ka lapang méngbal).

Tim mengbal Jepang asup Piala Dunia 2014 di Brasil
Tim mengbal Jepang asup Piala Dunia 2014 di Brasil

Pangabisa pamaén bal Jepang beuki nérékél waé. Teu anéh lamun ka béh dieunakeun Jepang jadi salasahiji nagara anu pinunjul dina widang méngbal di wewengkon Asia. Puncerna dina Piala Dunia 1998, Jepang bisa asup Piala Dunia di Perancis. Sanajan dina tatandangna henteu bisa meunang ngalawanan tilu nagara anu sagrup di Grup H (Argéntina, Kroasia jeung Jamaika), nagara Jepang mimiti ngaléngkahkeun sukuna di mandala méngbal dunya.

Dina entragan Piala Dunia saterusna, taun 2002 Jepang jeung Koréa Kidul kabagéan jadi nu boga hajat Piala Dunia. Kasempetan ieu henteu diantepkeun. Dina undakan kahiji, Jepang bisa jadi jawara grup ngéléhkeun nagara Rusia, Bélgia jeung Tunisia. Hanjakal dina tatandang undakan 16 tim, Jepang kaéléhkeun ku nagara Turki.

Piala Dunia saterusna, Jepang henteu tinggaleun. Piala Dunia 2006 ngiluan pon kitu deui reujeung Piala Dunia 2010. Dina Piala Dunia 2010 sanajan dilumangsungkeun di nagara séjén, Jepang asup ka babak 16 tim.

Pangabisa pamaén bal Jepang ogé beuki dianggap ku nagara séjén. Aya sababaraha pamaén anu bisa asup di sababaraha kleub Éropah, saperti Kazuyoshi Miura, Hidetoshi Nakata, Shunsuke Nakamura, Shinji Ono, jeung anu séjénna.

Mekarna méngbal Jepang henteu leupas tina program anu ngahaja dijieun ku organisasi méngbal Jepang (JFA) anu kacida hayangna ngahangkeutkeun pangabisa méngbal Jepang. Ditambah deui ku program JFA Declaration 2005, program méngbalna beuki jelas tujuan jeung kahayangna. Jepang miboga kahayang pikeun jadi jawara dunya (Piala Dunia) dina taun 2050.

Data ngeunaan Méngbal Jepang

logo-jfa
Organisasi Japan Football Association (JFA)
Ngadeg 1921
Konfederasi Asian Football Confederation (AFC)
Ngiluan AFC 1954
Ngiluan FIFA 1929
Nu Ngalatih Alberto Zaccheroni
Kapten Tim Makoto Hasebe
Rengking FIFA 17
Saragam Bulao – Bodas
Sesebutan Samurai Blue
Pangalaman Piala Dunia
1930 Teu ngiluan
1934 Teu ngiluan
1938 Teu asup
1950 Teu ngiluan
1954 teu asup
1958 Teu ngiluan
1962 Teu asup
1966 Teu ngiluan
1970 Teu ngiluan
1974 Teu ngiluan
1978 Teu ngiluan
1982 Teu ngiluan
1986 Teu ngiluan
1990 Teu ngiluan
1994 Teu asup
1998 Undakan kahiji
2002 Undakan kadua
2006 Undakan kahiji
2010 Undakan Kadua
Lalampahan ka Piala Dunia 2014
Babak Kualifikasi Wewengkon Asia
Undakan Kahiji
Undakan Kadua
Undakan Katilu Jawara Kadua Grup C
Jepang – Koréa Kalér 1 – 0
Uzbékistan – Jepang 1 – 1
Jepang – Tajikistan 8 – 0
Tajikistan – Jepang 0 – 4
Koréa Kalér – Jepang 1 – 0
Jepang – Uzbékistan 0 – 1
Undakan Kaopat Jawara Kahiji Grup B
Jepang – Oman 3 – 0
Jepang – Yordania 6 – 0
Ostrali – Jepang 1 – 1
Jepang -Irak 1 – 0
Oman – Jepang 1 – 2
Yordania – Jepang 2 – 1
Jepang – Ostrali 1 – 1
Irak – Jepang 0 – 1

4 thoughts on “Mikawanoh Pamilon Piala Dunia 2014 (2): Jepang

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s