Mikawanoh Pamilon Piala Dunia 2014 (1): Brasil


Lamun ngobrolkeun perkara Piala Dunia, henteu bisa leupas ti nagara Brasil. Brasil mangrupakeun hiji-hijina nagara anu henteu pernah eureun ngiluan Piala Dunia. Ti mimiti Piala Dunia anu munggaran dina taun 1930 di nagara Uruguay nepikeun ka Piala Dunia 2010 kamari di Aprika Kidul, Brasil ngiluan terus. Ayeuna dina Piala Dunia 2014, salaku anu boga hajat Brasil otomatis ngiluan deui. Salian ti henteu eureun-eureun ngiluan Piala Dunia, Brasil ogé mangrupakeun nagara anu pangremenna jadi jawara dina Piala Dunia, lima kali jadi jawara. Dina Piala Dunia 1958, 1962, 1970, 1994 jeung 2002 Brasil nyangking kalungguhan salaku jawara Piala Dunia.

Pamaen bal nagara Brasil nalik Piala Confederasi 2013
Pamaen bal nagara Brasil nalik Piala Confederasi 2013

Salaku anu boga hajat, Brasil dijagokeun pikeun jadi jawara deui dina Piala Dunia 2014 ieu. Salian ti jadi anu boga hajat (dina tatandangna baris meunang pangrojong ti masarakatna sacara langsung di lapang/stadion), Brasil ogé dirojong ku pamaén bal anu aralus kayaning Neymar, Thiago Silva, Daniel Alves, Oscar, Marcelo, David Luiz, jeung anu séjénna. Nilik kana ieu hal henteu matak anéh, ti baheulana ogé Brasil mah remen miboga pamaén bal anu aralus ogé. Ti mimiti Pélé, Djalma Santos, Gilmar, Roberto Carlos, Ronaldo jeung Ronaldinho.

Saméméhna sabenerna mah nagara Brasil pernah jadi anu boga hajat Piala Dunia, nyaéta dina taun 1950. Jadi Piala Dunia 2014 ieu mangrupakeun Piala Dunia anu kadua kalina anu dilumangsungkeun di nagara Brasil. Ngan hanjakal nalika dina taun harita mah, sanajan jadi anu boga hajatna jeung kacida diandelkeunana pikeun jadi jawara, Brasil henteu jadi jawarana. Sabab dina tatandang panungtungan kaéléhkeun ku nagara Uruguay anu jadi jawarana.

Data ngeunaan Mengbal Brasil

Brazil-CBF
Organisasi Confederação Brasileira de Futebol (CBF)
Konfederasi Confederación Sudamericana de Fútbol (CONMEBOL)
Nu Ngalatih Luiz Felipe Scolari
Kapten Tim Thiago Silva
Rengking FIFA 13
Saragam Koneng – Bulao
Sesebutan Selecao
Pangalaman Piala Dunia
1930 Undakan Kahiji
1934 Undakan Kahiji
1938 Jawara Katilu
1950 Jawara Kadua
1954 Undakan Parapat Final
1958 Jawara Kahiji
1962 Jawara Kahiji
1966 Undakan Kahiji
1970 Jawara Kahiji
1974 Jawara Kaopat
1978 Jawara Katilu
1982 Undakan Kadua
1986 Undakan Parapat Final
1990 Undakan Kadua
1994 Jawara Kahiji
1998 Jawara Kadua
2002 Jawara Kahiji
2006 Undakan Parapat Final
2010 Undakan Parapat Final
Lalampahan ka Piala Dunia 2014
Anu Boga Hajat, otomatis asup Piala Dunia 2014

(Gambar meunang nginjeum ti curitiba jeung wikipedia)

2 thoughts on “Mikawanoh Pamilon Piala Dunia 2014 (1): Brasil

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s