Soft Launching Buku Biografi “Één Sukaésih Sang Guru Qolbu”


Dina poéan panungtungan dilumangsungkeunana Féstival Prabu Geusan Ulun, diayakeun acara ngaguar jeung medalkeun buku biografi “Één Sukaésih Sang Guru Qolbu”. Acara anu dilumangsungkeun di Alun-alun Sumedang ieu, diluuhan ku Guru Besar UPI Bandung anu ngarangkep anggahota DPD RI, Mohammad Surya, Plt Bupati Sumedang H. Adé Irawan, Kadisbudpora Kabupatén Sumedang Drs. Herman Suryatman, Girang Rumpaka SCTV jeung Indosiar Nurjaman Mochtar, jeung anu nulis ieu buku Zaenuddin HM. Hadir oge Ibu Één Sukaésih. Ieu acara dipingpin ku pamawa acara reporter SCTV Retno jeung Penyiar Radio Jusyan Sumedang, Krisna Supriatna.

Ibu Een Sukaesih nalika medalkeun jeung ngaguar buku biografina di Alun-alun Sumedang
Ibu Een Sukaesih nalika medalkeun jeung ngaguar buku biografina di Alun-alun Sumedang

Sakumaha anu diwartakeun ku lokawarta Pikiran Rakyat Online, Muhammad Surya miharep supaya ka hareupna beuki ngalobaan guru-guru anu miboga pasipatan saperti Ibu Één. Sakumaha judul bukuna, Ibu Één Sukaésih bisa jadi picontoeun pikeun sakabéh guru dina ngajar barudak anu dididikna. Dina kaayaan raga anu walurat, Ibu Één bisa ngajar barudak kalawan ihlas dibarung ku rasa héman.

Kitu deui reujeung Plt Bupati Sumedang, H. Adé Irawan sapamadegan, yén buku ieu bisa dijadikeun cekelan pikeun ngaronjatkeun cara gawé. Inyana ogé ngarojong pisan kana dipedalkeunana ieu buku.

Dina nulis ieu buku, salaku anu nyusunna Zaénuddin HM bisa ngilu ngarasakeun sumanget bajoangna Ibu Één dina ngajar jeung ngadidik barudak dibarung ku rasa kahéman jeung ihlas. Atuh dina nyieun buku ieu, loba pisan luang pulunganeunana. Niléy-niléy kahirupan anu diprakeun ku Ibu Één bisa dipulungan ku sakabéh masarakat.

Sawatara éta, pikeun Ibu Één kuanjeun, mimitina mah embungeun diembar-embar ka masarakat umum ngaliwatan média. Sieun dianggap hayang katanggar atawa babagi kasedih. Ngan sanggeusna dibéjérbéaskeun ngeunaan mangpaatna, Ibu Één sadia pikeun dibéwarakeun ka masarakat. Naon atuh rusiahna Ibu Één bisa sumanget pisan ngajar barudak kalawan ihlas dibarung ku rasa héman? Saurna mah aya hiji hadis anu janten cepengan anjeunna: pangalusna jalma téh anu bisa méré mangpaat pikeun jalma séjén.

Dina acara ieu, SCTV méré bantuan dana 150 juta pikeun Ibu Één Sukaésih. Bantuan ieu mangrupakeun gaganti tina jangji SCTV anu arék naék hajikeun Ibu Één.

(Potret meunang nginjeum ti Pikiran-Rakyat)

Wakil Padaratan Amérika Kalér di Piala Dunia 2014


Wawakil ti padaratan Amérika Kalér ampir taya anu robah lamun dibandingkeun reujeung Piala Dunia saméméhna, 2010 di Aprika Kidul. Kajaba wawakilna nambahan jadi opat nagara (nalika Piala Dunia 2010 mah ngan ukur tilu nagara).

Pamaen bal Amerika Serikat jeung pelatihna
Pamaen bal Amerika Serikat jeung pelatihna

Nagara Amérika Serikat jadi pinunjulna. Di ahir tatandang, nagara Amérika Serikat bisa jadi jawara kahiji di padaratan Amérika Kalér ieu. Disusul ku nagara Kosta Rika anu dina Piala Dunia 2010 henteu asup babak puncer. Nagara katiluna dieusi ku Honduras anu asup ogé ka Piala Dunia 2010.

Nagara Méksiko sanajan bisa asup ka babak puncer Piala Dunia 2014 di Brasil, henteu bisa langsung lulus. Sababna mah ngan bisa jadi jawara kaopat di padaratan Amérika Kalér. Pikeun lulus ka Piala Dunia, Méksiko kudu ngalakonan tatanding heula ngalawan wawakil ti sagara Oséania, nyaéta nagara Selandia Anyar.

Hasil Tatandang dina Undakan Kahiji

No Lalawanan Gul Nu Meunang
1 Montserrat – Belize 3 – 8 Belize
2 Pulo Turks & Caicos – Bahama 0 – 10 Bahama
3 Pulo Virgin Amerika Serikat – Pulo Virgin Inggris 4 – 1 Pulo Virgin Amerika Serikat
4 Anguila – Republik Dominika 0 – 6 Republik Dominika
5 Aruba – St. Lucia 6 – 6 St. Lucia

Hasil Tatandang dina Undakan Kadua:

No Nagara Maen Meunang Draw Eleh Gul Niley
Grup A
1 El Salvador 6 6 0 0 20-5 18
2 Republik Dominika 6 2 2 2 8-8 8
3 Suriname 6 2 1 3 5-11 7
4 Pulo Cayman 6 0 1 5 2-15 1
Grup B
1 Guyana 6 4 1 1 9-6 13
2 Trinidad & Tobago 6 4 0 2 12-4 12
3 Bermuda 6 3 1 2 8-7 10
4 Barbados 6 0 0 6 2-14 0
Grup C
1 Panama 4 4 0 0 15-2 12
2 Nikaragua 4 2 0 2 5-7 6
3 Dominika 4 0 0 4 0-11 0
Grup D
1 Kanada 6 4 2 0 18-1 14
2 Puerto Riko 6 2 3 1 8-4 9
3 St. Kitts & Nevis 6 1 4 1 6-8 7
4 St. Lucia 6 0 1 5 4-23 1
Grup E
1 Guatemala 6 6 0 0 19-3 18
2 Belize 6 2 1 3 9-10 7
3 St. Vincent/Grenadines 6 1 2 3 4-12 5
4 Grenada 6 1 1 4 7-14 4
Grup F
1 Antigua & Barbuda 6 5 0 1 20-5 15
2 Haiti 6 4 1 1 21-6 13
3 Curacao 6 2 1 3 15-15 7
4 Pulo Virgin Amerika 6 0 0 6 2-40 0

Hasil Tatandang dina Undakan Katilu:

No Nagara Maen Meunang Draw Eleh Gul Niley
Grup A
1 Amerika Serikat 6 4 1 1 11-6 13
2 Jamaika 6 3 1 2 9-6 10
3 Guatemala 6 3 1 2 9-8 10
4 Antiguan & Barbuda 6 0 1 5 4-13 1
Grup B
1 Meksiko 6 6 0 0 15-2 18
2 Kosta Rika 6 3 1 2 14-5 10
3 El Salvador 6 1 2 3 8-11 5
4 Guyana 6 0 1 5 5-24 1
Grup C
1 Honduras 6 3 2 1 12-3 11
2 Panama 6 3 2 1 6-2 11
3 Kanada 6 3 1 2 6-10 10
 4 Kuba 6  0 1  5 1-10  1

Hasil Tatandang dina Undakan Kaopat:

No Nagara Maen Meunang Draw Eleh Gul Niley
1 Amerika Serikat 10 7 1 2 15-8 22
2 Kosta Rika 10 5 3 2 13-7 18
3 Honduras 10 4 3 3 13-12 15
4 Meksiko 10 2 5 3 7-9 11
5 Panama 10 1 5 4 10-14 8
6 Jamaika 10 0 5 5 5-13 5

Hasil Tatandang dina Undakan Play-off:

No Lalawanan Gul Nu Meunang
1 Meksiko – Selandia Anyar 9 – 3 Meksiko