Paméran ‘Jejak Kerajaan Sunda’ di Musieum Sri Baduga


Pikeun ngawanohkeun rupa-rupa titinggal Karajaan Sunda baheula, musieum Sri Baduga Bandung ngayakeun paméran husus ngeunaan Karajaan Sunda anu dijejeran ‘Jejak Kerajaan Sunda’. Pameran ieu dilumangsungkeun ti mimiti ping 19 Nopémber nepikeun ka ping 30 Nopémber 2013. Dina ieu paméran dipidangkeun rupa-rupa titinggal Karajaan Sunda anu masih kénéh aya saperti Tugu Padrao anu jadi bukti ayana jangji pasini antara Karajaan Sunda reujeung nagri Portugis.

Ieu paméran téh ngahaja diayakeun pikeun méré bukti yén Karajaan Sunda teh bener-bener aya di kieuna. Salila ieu mah apanan loba kénéh anu tacan percaya kana ayana Karajaan Sunda. Hususna urang Sunda loba anu mikanyaho yén Karajaan Sunda téh ngan ukur dongéng. Atuh ku diayakeunana ieu paméran anu mintonkeun bukti ayana Karajaan Sunda, susuganan leuwih loba anu percayaeun yén Karajaan Sunda téh aya di kieuna. Da di nagri séjén mah, saperti di Walanda, Portugis jeung Perancis loba anu percayaeun yén baheula pernah aya karajaan anu ngaranna Karajaan Sunda.

Paméran 'Jejak Kerajaan Sunda' di Musieum Sri Baduga
Paméran ‘Jejak Kerajaan Sunda’ di Musieum Sri Baduga

Hal ieu mémang henteu anéh. Di luar nagri mah loba bukti anu bisa dijadikeun cekelan yén baheula téh pernah ngadeg Karajaan Sunda. Baheula pernah diayakeun jangji pasini antara Portugis reujeung Karajaan Sunda dina taun 1522 anu aya buktina dina tugu Padrao di nagri Portugis. Ieu tugu aya kénéh nepikeun ka ayeuna. Salian ti bukti mangrupa tugu, ditambah ku ayana dokumén di Arsip Nasional Portugis anu nerangkeun ngeunaan ayana Karajaan Sunda. Sedengkeun ari di Indonésia sorangan hususna di wewengkon Pasundan, ieu bukti téh henteu atawa kurang dipikawanoh ku masarakat.

Atuh ku diancokeun buktina mah, sugan waé masarakat (urang) Sunda téh beuki yakin yén Karajaan Sunda téh pernah aya jeung nyata. Pikeun leuwih ngadeudeul kana ieu paméran, dipintonkeun ogé rupa-rupa potrét lalampahan mahasiswa anu jadi pamilon fieldtrip Jejak Kerajaan Sunda. Potrét lalampahan ka patempatan anu aya pakaitna reujeung Karajaan Sunda saperti ka Ciamis katut Bogor dipidangkeun di musieum Sri Baduga.

Pikeun anu hayang mikawanoh kana Karajaan Sunda, taya salahna lamun ngahaja ngadongdon ka musieum Sri Baduga. Meungpeung masih kénéh aya waktu nepikeun ka ping 30 Nopémber.

(Gambar meunang nginjeum ti Pikiran Rakyat Online)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s