Féstival Budaya 2013 sa-Jawa Barat di Tasikmalaya


Meunang inpo ti lokawarta Bisnis-Jabar, yén dina poé tadi geus dilumangsungkeun pagelaran Féstival Budaya Jawa Barat dina taun 2013. Ieu pagelaran téh dilumangsungkeun di Kabupatén Tasikmalaya, perenahna di dayeuh Singaparna. Anu boga pokalna nyaéta Dinas Pariwisata dan Kebudayaan Provinsi Jawa Barat. Sabenerna mah ieu pagelaran téh dilumangsungkeun salila dua poé, mimiti poé Saptu nepikeun ka poé Ahad ping 23 – 24 Nopémber 2013.

Wawakil ti Kabupaten Sumedang keur mintonkeun kasenian tradisi Ampih Pare
Wawakil ti Kabupaten Sumedang keur mintonkeun kasenian tradisi Ampih Pare

Cenah mah ieu pagelaran téh miboga maksud pikeun miara budaya anu aya di Jawa Barat. Dina ieu pagelaran, aya dua welas wewengkon (kabupatén/kota) di Jawa Barat anu ngiluan kalawan ngirimkeun wawakilna/pamilon. Kaasup ogé wawakil ti Kabupatén Sumedang. Wawakil ti Kabupatén Sumedang midangkeun kasenian tradisi Ampih Paré.

Sanajan dimimitian dina poé Saptu, pagelaran budaya ieu dibuka kalawan resmi ku Gupernur Jawa Barat, Ahmad Héryawan dina poé Ahad isuk-isuk jam dalapan. Pagelaranana ngabring laleumpang ti Masigit Agung Kabupatén Tasikamalaya nepikeun ka Kantor Bupati Tasikmalaya. Ieu pagelaran ditutup ku acara ritual Kawin Cai. Acara ieu téh nyaéta ngahijikeun sakabéh cai anu dibawa ku unggal wawakil pamilon ieu pagelaran kana hiji wadah. Ngahijikeun cai ieu cenah mah jadi hiji tanda ngahijina masarakat Jawa Barat, ogé jadi tanda pikeun ngajaga alam hususna cai.

(Potret meunang nginjeum ti Antaranews.com)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s