Milih Wawakil Sagara Oséania ka Piala Dunia 2014


Wewengkon sagara Oséania mangrupakeun wewengkon anu aya di sagara Pasipik, deukeuteun Asia jeung Ostrali. Aya 13 nagara anu jadi anggahota FIFA katut ngiluan kana babak kualifikasi Piala Dunia 2014 ti ieu wewengkon. Umumna mah nagarana mangrupakeun pulo kajaba Papua Nugini. Saméméhna mah nagara Ostrali ogé kaasup ieu wewengkon, ngan ayeuna ngiluan ka padaratan Asia. Pikeun milih wawakilna di Piala Dunia 2014 anu hancenganana satengah nagara, wewengkon saraga Oséania kudu ngayakeun tatandang dina tilu undakan.

Nagara anu aya di wewengkon sagara Oseania
Nagara anu aya di wewengkon sagara Oseania

Undakan kahiji, diiluan ku opat nagara anu miboga réngking panghandapna di wewengkon ieu. Dina ieu undakan, opat nagara ngalumangsungkeun tatandang anu formatna liga di hiji tempat. Unggal nagara tatadang ngalawanan tilu nagara séjénna. Di panungtungan, anu jadi jawarana baris asup kana undakan kadua.

Dina undakana kadua, hiji nagara anu jadi jawara di undakan kahiji ngumpul reujeung tujuh nagara anu langsung lulus ka undakan kadua kusabab réngking FIFA-na leuwih hadé tibatan opat nagara anu tatandang di undakan kahiji. Atuh, jumlahna jadi dalapan nagara anu tatandang dina undakan kadua ieu. Dalapan nagara ieu dihijikeun di hiji tempat pikeun ngalumangsungkeun tatandang kalawan sistemna liga. Dalapan nagara ieu dibagi jadi dua grup, unggal grupna dieusi ku opat nagara. Opat nagara pangalusna dina ieu undakan baris lulus ka undakan katilu.

Undakan katilu dieusi ku opat nagara anu lulus ti undakan kadua. Opat nagara ieu dihijikeun dina hiji grup anu kalawan ngalumangsungkeun tatandang dina format kompetisi penuh. Sanggeus réngsé bakal aya hiji nagara anu jadi jawarana. Nagara ieu kudu tatandang deui ngalawan jawara kaopat ti wewengkon Amérika Kalér pikeun marebutkeun hiji hancengan sésana.

Opat nagara anu tatandang dina undakan kahiji:

  1. Samoa
  2. Tonga
  3. Samoa Amérika
  4. Pulo Cook

Tujuh nagara anu Langsung tatandang dina undakan kadua:

  1. Tahiti
  2. Kalédonia Anyar
  3. Vanuatu
  4. Selandia Anyar
  5. Pulo Solomon
  6. Fiji
  7. Papua Nugini

(Gambar meunang nginjeum ti fifa.com)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s