Pagelaran Rumpaka31 ti Lisés UNPAD


Dina raraga ngareuah-reuah milangkalana anu ka-31, Lingkung Seni Sunda (Lisés) UNPAD baris ngayakeun raraméan. Raraméan dina wangun pagelaran ieu téh dingaranan Rumpaka31, anu bakal dilumangsungkeun dina poé Kemis jeung poé Saptu ping 28 jeung 31 Nopémber 2013. Ngeunaan tempatna, ieu pagelaran baris dilaksanakeun di sabudeureun Balé Santika Universitas Padjadjaran Jatinangor Sumedang. Luyu reujeung ngaranna, pagelaran Rumpaka baris midangkeun tilu jinis acara nyaéta Sawala ngeunaan Ékspédisi Topéng, Pasanggiri Pencak Silat jeung Oratorium Palagan Bubat. Nurutkeun inpo, anu diancokeun ku blog an Auxinman, Rumpaka téh mangrupakeun singketan tina kekecapan Ngarumat Budaya, Topéng jeung Pencak Silat.

Talkshow Ekspedisi Topeng
Talkshow Ekspedisi Topeng

Dina poé kahijina, Kemis ping 28 Nopémber baris dilaksanakeun talkshow ngeunaan tari topéng. Dina ieu sawala baris dipedar hasil panalungtikan Lisés UNPAD ngeunaan tari topéng salila bulan Agustus anu geus kaliwat. Sawala ieu baris dilumangsungkeun di Auditorium Balé Santika Kampus UNPAD Jatinangor dina wanci isuk-isuk, jam dalapan. Ieu sawala baris diluuhan ku sababaraha ahli dina widangna masing-masing ti akademisi, budayawan jeung ti pamaréntah. Anu hayang ngaluuhan kana ieu acara bisa daptar ka panatacalagara kalawan mayar waragad asup anu gedéna 15 rébu, anu ditukeran ku élmu pangaweruh ngeunaan tari topéng, kadaharan jeung sertifikat.

Pasanggiri Pencak Silat
Pasanggiri Pencak Silat

Dina poé Saptuna ping 30 Nopémber, baris dilumangsungkeun Pasanggiri Pencak Silat anu tempatna di lapangan Futsal Balé Santika. Pamilon ieu pasanggiri husus ti entragan barudak sakola SD jeung SMP sa-Bandung Raya jeung Kabupatén Sumedang. Ieu pasanggiri téh dirojong ku IPSI (Ikatan Pencak Silat Indonesia) Bandung.

Palagan Bubat
Palagan Bubat

Acara anu panungtungan, nyaéta acara utamana anu dingaranan Oratorium Palagan Bubat. Oratorium ieu baris didalangan ku Kang Apép AS Hudaya. Eusina ngeunaan perang antara Karajaan Padjadjaran jeung Majapahit. Ieu acara dilumangsungkeun dina poé Saptu peuting jam satengah tujuh di Lapangan Baskét Balé Santika UNPAD. Anu hayang lalajo kana ieu Oratorium bisa datang kalawan mayar tikét anu gedéna 15 rébu.

Kitu kurang leuwihna inpo anu diancokeun ku blog an Auxinman. Anu hayang meunang inpo leuwih mundel bisa langsung waé nanya ka Lisés UNPAD ngaliwatan akun twitter di @Rumpaka_31 atawa @LisesUNPAD.

(Gambar kagunganana an Auxinman)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s