Pagawé Pamaréntah di Sumedang Baris Maké Baju Kasumedangan


Nurutkeun béwara, cenah Wakil Bupati Sumedang ayeuna, H. Adé Irawan miboga kahayang supaya pagawé pamaréntah (PNS) di Sumedang maraké pakéan Sunda has Kasumedangan. Dina waktu saminggu, baris aya sapoé anu dipaké ku PNS di Kabupatén Sumedang pikeun ngagunakeun pakéan Kasumedangan éta. Pakéan anu jinisna pangsi atawa kamprét bodas dibarung calana hideung dilengkepan ku iket dina sirah. Ieu kahayang téh miboga maksud pikeun ngajaga jeung miara budaya Sunda. Komo deui lamun diluyukeun reujeung program SPBS (Sumedang Puseur Budaya Sunda) mah kacida sajalanna.

Salasahiji jinis baju kampret hideung
Salasahiji jinis baju kampret hideung

Jadi, ka hareupna, pagawé pamaréntah téh salian ti biasa maraké pakéan KORPRI, baju dines jeung batik, bakal dilengkepan ku pakéan adat Kasumedangan. Ngeunaan rarancangan, cenah mah masih kénéh dibadamikeun. Utamana ngeunaan jinis pakéanana, naha arék jinis kamprét atawa anu séjénna. Ngan anu jelas mah pakéanana kaasup pakéan adat Kasumedangan.

Dina ngarojong program SPBS, pamaréntah Sumedang geus nyieun kawijakan pikeun nerapkeun budaya Sunda dina ngajalankeun pamaréntahanana. Diantarana waé dina biantara nalika acara resmi, sanggeus uluk salam diteruskeun ku kecap salam Sunda: sampurasun. Di lampu setopan sababaraha parapatan anu aya di Sumedang osok kadéngé émbaran dina Basa Sunda ngeunaan lalampahan di jalan raya (kudu tartib dina ngajalankeun kandaraan). Kitu deui ngararancang wangunan gedong puseur pamaréntahan Sumedang (IPP) didadasaran ku wangunan anu aya di wewengkon Sunda.

Atuh, kuayana kawijakan ngeunaan pakéan anu dipaké ku pagawé pamaréntahan bakal nambahan deui pangrojong pamaréntah kana mekarna jeung nanjeurna budaya Sunda hususna di Sumedang. Salaku puseurna budaya Sunda, Sumedang ulah tinggaleun ku wewengkon séjén anu geus mimiti ngaragemkeun maraké pakéan has Sunda.

(Inpo meunang nyutat ti Pikiran Rakyat, potret meunag nginjeum ti Budaya Indonesia)

2 thoughts on “Pagawé Pamaréntah di Sumedang Baris Maké Baju Kasumedangan

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s