Milih Wawakil Padaratan Aprika ka Piala Dunia 2014


Wewengkon padaratan Aprika dieusi ku 53 nagara anggahota FIFA. Dina prakna milih nagara anu asup kana babak puncer Piala Dunia 2014 ieu ampir ngiluan kabéhanana. Ngan ukur sanagara anu henteu ngiluan téh, nyaéta nagara Mauritania.

Nagara anu aya di wewengkon padaratan Aprika
Nagara anu aya di wewengkon padaratan Aprika

Pikeun Piala Dunia 2014 ieu, wewengkon Aprika kabagéan hancengan lima nagara. Pikeun milih wawakilna di kajawaraan Piala Dunia 2014 di Brasil, wewengkon Aprika ngayakeun babak kualifikasi nepikeun ka tilu undakan tatandang, undakan kahiji nepikeun ka undakan katilu.

Dina undakan kahiji, diiluan ku 24 nagara anu miboga réngking FIFA panghandapna pikeun wewengkon Aprika. 24 nagara éta tatandangna sanagara lawan sanagara, dua kali tanding. Anu meunang dina ieu undakan baris asup kana tatandang dina undakan kadua. 12 nagara anu asup kana undakan kadua baris dihijikeun reujeung 28 nagara deui anu langsung asup kana undakan kadua, kusabab réngking FIFA-na leuwih hadé tibatan anu 24 nagara di undakan kahiji.

Dina undakan kadua, 40 nagara dibagi jadi sapuluh grup. Unggal grup dieusi ku opat nagara. Dina undakan kadua ieu unggal nagara dina unggal grupna ngalakonan tatandang kalawan sistem kompetisi penuh. Hasil panungtunganana, anu jadi jawara kahiji unggal grup baris asup kana undakan panungtungan (undakan katilu). Sapuluh nagara éta baris tatandang hiji lawan hiji dina dua kali tanding. Anu meunang dina ieu tatandang bakal asup ka babak puncer Piala Dunia 2014 di Brasil.

Nagara Anu Tatandang dina Undakan Kahiji:

  • Sao Tome e Principe – Kongo
  • Jibouti – Namibia
  • Komoro – Mozambik
  • Eritrea – Rwanda
  • Swaziland – Republik Kongo
  • Guinea Khatulistiwa – Madagaskar
  • Chad – Tanzania
  • Guinea Bissau – Togo
  • Seychelles – Kenya
  • Lesotho – Burundi
  • Somalia – Ethiopia

Nagara anu langsung asup Undakan Kadua:

  • Aprika Kidul
  • Bostwana
  • Republik Aprika Tengah
  • Tunisia
  • Cape Verde
  • Sierra Leone
  • Pantai Gading
  • Maroko
  • Gambia
  • Ghana
  • Zambia
  • Sudan
  • Burkina Faso
  • Gabon
  • Niger
  • Nigeria
  • Malawi
  • Mesir
  • Zimbabwe
  • Guinea
  • Aljazair
  • Mali
  • Benin
  • Kamerun
  • Libya
  • Senegal
  • Uganda
  • Angola
  • Liberia

One thought on “Milih Wawakil Padaratan Aprika ka Piala Dunia 2014

  1. Kajawaraan Paralayang Pra Piala Dunia anu bakal dilaksanakeun di Batu Dua Sumedang baris diiluan ku sababaraha urang atlét wawakil ti 20 nagara di dunia kaasup Indonésia. Numutkeun inpo anu diancokeun ku loka Club Jatarupa , ampir saratus urang atlét baris tatanding dina éta kajawaraan. 20 nagara anu ngirimkeun atlétna dina ieu kajawaraan téh nyaéta Indonésia, Italia, Malaysia, Koréa Selatan, Taiwan, Inggris, Perancis, Slovenia, Vietnam, Jepang, Swedia, Rusia, Tailand, Afrika Selatan, Swiss, Cina, Spanyol, Republik Ceko, Singapur, jeung Amerika. Indonésia diwakilan ku sababaraha urang atlét paralayang anu dijagokeun diantarana Lilik Darmono, Bima Putra, Bodhi Suprana, Thomas Widiyananto, Hening Paradigma, Milawati Sirin jeung anu séjénna.

    Like

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s