Bosnia, Asup Piala Dunia 2014


Mareng reujeung poéan Lebaran ‘Idul Adha, urang Bosnia anu mikaresep kana méngbal mah bungahna téh lain kusabab lobana daging kurban tapi kusabab tim méngbal nagarana bisa asup babak puncer (final) Piala Dunia 2014 di Brasil. Henteu matak bungah kumaha, sanggeus sababaraha kali gagal ngiluan kusabab éléh dina babak kualifikasi, ahirna mah Bosia bisa asup ogé ka babak final Piala Dunia. Dina entragan saméméhna mah apanan gagal waé kaasup nalika Piala Dunia 2010. Dina Piala Dunia 2010, Bosnia gagal asup ka babak final, padahal geus asup babak play-off ngalawan Portugal. Dina babak play-offna, Bosnia diéléhkeun ku tim méngbal nagri Portugal.

Pamaen bal Bosnia gumbira pisan nalika bisa ngelehkeun tim Lithuania anu jadi tanda lulusna ka Piala Dunia 2014
Pamaen bal Bosnia gumbira pisan nalika bisa ngelehkeun tim Lithuania anu jadi tanda lulusna ka Piala Dunia 2014

Ayeuna, dina kualifikasi Piala Dunia 2014 Bosnia bisa lulus ka babak final anu baris dilumangsungkeun di nagri Brasil. Bosnia, sanajan henteu dijagokeun pikeun lulus ka babak final, bisa ngalindih Yunani anu leuwih dijagokeun. Sanajan niléy beubeunanganana sarua antara Bosnia jeung Yunani, tapi Bosnia bisa ngéléhkeun Yunani kusabab lobana ngasupkeun gul ka musuh.

Bosnia jadi salasahiji wawakil ti padaratan Éropa anu bisa langsung ka babak final Piala Dunia 2014, disagédéngeun dalapan tim méngbal séjénna. Salapan tim méngbal anu jadi pinunjul kahiji dina salapan grup tatanding wewengkon Éropa baris langsung lulus ka babak final Piala Dunia 2014. Padaratan Éropa kabagéan jatah 13 tim méngbal anu asup ka babak final Piala Dunia 2014. Salapan tim-na nyokot tina jawara kahiji unggal grup tatanding, ditambah opat tim hasil tina babak play-off.

Pikeun nangtukeun opat tim tambahanana, dalapan tim anu dicokot tina jawara kadua unggal grup tatanding pangalusna tina salapan tim anu jadi jawara kadua. Anu meunang dina tatanding di babak play-off bakal lulus ka babak final Piala Dunia 2014 di Brasil.

2 thoughts on “Bosnia, Asup Piala Dunia 2014

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s