Tim Méngbal U-19 Harepan Indonésia


Rahayat Indonésia, hususna anu mikacinta jeung mikaresep kana méngbal keur meunang kabungah anu kacida. Sualna tim méngbal Indonésia umur 19 taun bisa asup ka babak puncer (final) Piala Asia U-19 anu baris dilumangsungkeun di nagri Myanmar taun hareup. Henteu matak bungah kumaha, lamun nilik kana tim méngbal Indonesia ayeuna-ayeuna, henteu miboga peurah anu matih di wewengkon Asia Tenggara komo deui wewengkon Asia. Tim méngbal Indonésia anu pokona (timnas senior), henteu bisa jadi jawara di sawatara kajawaraan anu dilumangsungkeun di wewengkon Asia Tenggara. Sanajan dina mimiti tatanding kajawaraanana osok meunang, tapi henteu nepikeun ka jadi jawarana. Contona dina kajawaraan Piala AFF 2010, sanajan mimitina meunang ngalawan nagri Thailand jeung asup ka babak final, tapi di babak Finalna éléh ku nagri Malaysia. Piala Asia 2007 ogé gagal sanajan mimitina bisa ngéléhkeun nagri Bahrain.

Ayeuna, ku ayana tim méngbal umur 19 taun, Indonésia mimiti mapay tétécéan pikeun nanjung ka luhur. Mimitina tina kajawaraan Piala AFF anu anyar kénéh dilumangsungkeun di Indonésia. Tim méngbal Indonésia bisa jadi jawarana kalawan bisa ngéléhkeun sawatara nagri anu kuat leuwih kuat di wewengkon Asia Tenggara saperti nagri Thailand. Di babak finalna tim Indonésia bisa ngéléhkeun nagri Viétnam.

Sanggeus jadi jawara di Piala AFF, tim méngbal Indonésia U-19 langsung ngiluan kualifikasi Piala Asia U-19. Di babak kualifikasi ieu Indonésia ngahiji reujeung tim méngbal anu remen jadi jawara dina kajawaraan Piala Asia U-19 nyaéta Koréa Selatan, ditambah ku tim sahandapeun Indonésia: Pilipin jeung Laos. Dina kualifikasi ieu lamun hayang asup ka babak final Piala Asia U-19 taun Indonésia kudu jadi jawara di grupna atawa bisa ngandelkeun jadi jawara kadua pangalusna (henteu sakabéh jawara kadua bisa asup ka babak final).

Nya, hasil tatanding dina babak kualifikasi ieu anu matak bungah sakumna rahayat Indonésia. Sakabéh lawan di grup ieu bisa diéléhkeun ku tim méngbal U-19 Indonésia kaasup tim Koréa Selatan. Antukna Indonésia bisa langsung asup ka babak final Piala Asia U-19 di Myanmar.

Gumbirana pamaen Indonesia nalika ngelehkeun tim Korea Selatan
Gumbirana pamaen Indonesia nalika ngelehkeun tim Korea Selatan

Sanggeus asup ka babak final ieu, tim méngbal U-19 taun miboga harepan jeung kahayang supaya bisa asup ka kajawaraan Piala Dunia U-20 dina taun 2015. Carana, jadi jawara dina kajawaraan Piala Asia U-19 sahanteuna jadi jawara kaopat.

(Gambar meunang nginjeum ti okezone.com)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s