Wewengkon Pemilihan (Dapil) Anggota DPRD Sumedang Pemilu 2014


Dina nyanghareupan acara Pemilihan Umum (Pemilu) 2014 anu baris milih anggahota DPRD Kabupaten Sumedang, KPU Daérah Sumedang geus babagi wewengkon tempat milih (Daérah Pemilihan atawa Dapil). Pikeun milih anggahota DPRD Kabupaten Sumedang, wewengkon Sumedang dibagi jadi tujuh wewengkon pamilihan. Béda reujeung nalika milih Bupati/Wakil Bupati kamari anu dibagi dalapan wewengkon, KPU nangtukeun pikeun ngurangan jumlah wewengkon sanggeus rempugan reujeung Partéy politik anu ngiluan kana Pemilu 2014.

Pemilihan Umum taun 2014
Pemilihan Umum taun 2014

Ngan hanjakal, nalika diasongkeun ka KPU puseur ngaliwatan KPU Propinsi Jawa Barat, KPU Jawa Barat henteu nyatujuan. KPU Jawa Barat nangtukeun wewengkon pemilihan di Kabupatén Sumedang angger sakumaha nalika Pemilu taun 2009. Kabupatén Sumedang ngan ukur dibagi jadi genep wewengkon. Anu robah téh ngan ukur nomerna wewengkonna wungkul.

Wewengkon kahiji mah angger dieusi ku Kacamatan Cimanggung jeung Jatinangor. Kacamatan Cimanggung anu miboga jumlah wargana 84.202 ditambah ti Kacamatan Jatinangor anu jumlahna 79.764 bakal diwakilan ku anggahota DPRD anu jumlahna dalapan urang. Atuh dina Pemilu engké baris nangtukeun dalapan urang anggahota DPRD Kabupatén Sumedang ngawakilan ieu wewengkon.

Wewengkon séjénna: Dapil kadua ngawengku Kacamatan Tanjungsari anu miboga jumlah warga 69.056, ditambah Kacamatan Sukasari (29.618 warga), Pamulihan (52.851 warga) jeung Kacamatan Rancakalong (34.903 warga) baris milih salapan anggahota DPRD Sumedang. Dapil Tilu ngawengku Kacamatan Surian (10.401), Buahdua (30.146), Tanjungkerta (31.317), Tanjungmedar (22.688), Cimalaka (55.753), jeung Kacamatan Cisarua (18.716) anu kabagéan milih dalapan urang wawakilna. Dapil opat ngawengku Kacamatan Conggéang (26.639), Paséh (33.063), Tomo (22.843), Ujungjaya (29.787), jeung Kacamatan Jatigedé (23.432) anu dibéré jatah genep anggahota. Dapil lima ngawengku Kacamatan Wado (44.485), Jatinunggal (37.612), Darmaraja ( 36.903), Cibugel (20.295), Cisitu (25.410), jeung Kacamatan Situraja (35.831) anu jumlah anggahota DPRD-na sapuluh urang. Dapil panungtungan ngawengku Kacamatan Sumedang Selatan (74.618), Sumedang Utara 84.559, jeung Kacamatan Ganéas (22.900) anu baris nangtukeun salapan urang wakilna di DPRD Sumedang.

(Gambar meunang nginjeum ti KPU Daerah Sumedang)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s