Kajawaraan Paralayang Pra Piala Dunia Batu Dua Open Resmi Dibuka


Luyu jeung rarancang saméméhna, kajawaraan Paralayang Pra Piala Dunia Batu Dua Open dibuka kalawan resmi dina poé Ahad, 29 Séptémber 2013 di Batu Dua Désa Cimarga. Ngan hanjakal, Menteri Pemuda dan Olahraga Roy Suryo anu baris mukana henteu bisa ngaluuhan, aya halangan cenah mah. Antukna anu muka kalawan resmi ieu kajawaraan téh diwakilan ku Bupati Sumedang, Pa H. Endang Sukandar kalawan dibaturan ku Wakil Bupati Sumedang, Pa H. Ade Irawan. Nuturkeun inpo mah, Menpora bakal ngaluuhan dina poé Senénna di IPP Sumedang.

Hadir ogé Pupuhu DPRD Sumedang, Pa Yaya Widarya, Girang Serat Pengurus Besar (PB) FASI (Federasi Aero Sport Indonesia), Nil Handri, Pupuhu Dinas Kebudayaan, Pariwisata, Pemuda dan Olah Raga (Disbudparpora) Kab. Sumedang Drs. Herman Suryatman salaku Pupuhu anu ngayakeun ieu kajawaraan (Panitia Penyelenggara). Teu katinggaleun ogé sababaraha puluh urang atlét anu baris ngiluan tatanding dina ieu kajawaraan.

Warga masarakat sabudeureun Batu Dua ogé pada-pada ngadongdon ka ieu tempat pikeun nyakséni ieu kajawaraan. Warga masarakat ti suklakna ti siklukna ngahaja datang. Henteu nolih kana tempat anu kacida netekna, matak aringgis ngaliwatanana.

Warga keur lalajo bubuka Paralayang Pra Piala Dunia Batu Dua Open
Warga keur lalajo bubuka Paralayang Pra Piala Dunia Batu Dua Open

Acara bubuka ieu direuah-reuah kuayana Féstival Tajimaléla anu mintonkeun rupa-rupa kasenian tradisional. Cenah mah unggal Désa anu aya di Kacamatan Cisitu ngirimkeun kasenianana kana ieu féstival. Teu anéh lamun aya sababaraha jinis kasenian anu dipintonkeun diantarana waé aya Jaipongan, Kuda Rénggong, Sisingaan, jeung Pencak Silat.

Nurutkeun inpo panganyarna, pilot atawa atlét anu baris ngiluan kana ieu kajawaraan Paralayang Pra Piala Dunia Batu Dua Open téh jumlahna 72 urang anu asalna ti salapan welas nagara kaasup Indonésia. Nagara séjén anu ngirimkeun atlétna nyaéta: Malaysia, Thailand, Viétnam, Taiwan, China, Jepang, Koréa Selatan, Afrika Selatan, Céko, Inggris, Italia, Prancis, Rusia, Slovénia, Amérika, Swédia jeung Swiss. Tina jumlah atlét anu sakitu téh sapuluh urang diantarana mah wanoja. Nomer paralayang anu baris ditandingkeunana nyaéta nomer lintas alam terbatas atawa Race to Goal, anu mibanda harti pilot/atlét paralayang kudu ngaliwatan jalur kalawan jumlah titik tujuanana opat nepikeun ka genep titik, anu anggangna 40 km nepikeun ka 70 km unggal rondeuna. Unggal rondeu dilumangsungkeunana sapoé (sapoé sarondeu).

(Potret kagunganana Pa Drs. Herman Suryatman)

2 thoughts on “Kajawaraan Paralayang Pra Piala Dunia Batu Dua Open Resmi Dibuka

  1. Bral geura tandang urang sumedang kudu geus midang, nembongkeun potensi alam nu ditempat sejen langka, reueus kanonoman nu motekar ngokolakeun ieu acara, nuhun pangrojongan ti pamarentah. wilujeng

    Like

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s