Ranggeuyan Acara Kajawaraan Paralayang Batu Dua Open


Numutkeun inpo anu diserat ku Pa Herman Suryatman di pésbuk, aya sababaraha ranggeuyan acara anu baris dipidangkeun salila kajawaraan paralayang Pra Piala Dunia Batu Dua Open Sumedang. Ranggeuyan acarana dimimitian dina poé Saptu ping 29 Séptémber wanci isuk-isuk (jam satengah salapan) ku jalan ngayakeun arak-arakan (abringan) para pamilon ieu kajawaraan ka sabudeureun dayeuh Sumedang anu dimimitian ti Gedong Nagara.

Kajawaraan paralayang Pra Piala Dunia di Batu Dua Sumedang
Kajawaraan paralayang Pra Piala Dunia di Batu Dua Sumedang

Manjing peutingna dina jam satengah dalapan baris diayakeun ‘Wellcoming Dinner’ anu dilumangsungkeun di Gedong Nagara ogé. Isukna dina poé Ahad ping 29 Séptémber kajawaraan paralayang Pra Piala Dunia Batu Dua Open baris dibuka kalawan resmi anu tempatna di Batu Dua Gunung Lingga Cimarga. Acara anu dilumangsungkeun dina wanci isuk-isuk jam satengah salapan ieu, salian ti muka kajawaraan ogé sakaligus diayakeunana Festival Tajimaléla.

Sababaraha urang pilot keur lalatihan di Batu Dua
Sababaraha urang pilot keur lalatihan di Batu Dua

Dina poé Senén ping 30 Séptémber acara tatandingna paralayang baris dimimitian nepikeun ka poé Rebo ping 3 Oktober 2013. Wancina ti mimiti jam dalapan isuk-isuk nepikeun ka jam opat pabuburit. Ieu kajawaraan baris ditutup dina poé Rebo ping 3 Oktober 2013 kalawan acara resmi nutupna dina jam satengah dalapan peuting anu tempatna di IPP (Induk Pusat Pemerintahan).

(Potret kagunganana Pa Herman Suryatman)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s