Gempungan Munggaran Grup Pésbuk Sumedang Tandang


Dina raraga leuwih ngaraketeun jeung leuwih silih pikawanoh antara anggahota grup pésbuk Sumedang Tandang, grup pésbuk baris ngayakeun gempungan atawa ririungan. Nurutkeun rarancang mah ieu gempungan téh baris dilumangsungkeun dina poé Ahad, ping 22 Séptémber 2013. Tempat lumangsungna, pikeun sawatara waktu mah baris diayakeun di sabudeureun Alun-alun atawa Masigit Agung Sumedang, kalayan waktuna dina pasosoré jam tilu nepikeun ka jam lima.

Gempungan grup pesbuk Sumedang Tandang
Gempungan grup pesbuk Sumedang Tandang

Salian ti pikeun leuwih silih pikawanoh jeung silaturahmi, ieu gempungan téh baris magunemkeun perkara raracang naon waé anu baris dipigawé ka hareupna. Supaya ieu grup téh miboga niléy (harga) anu nyata lain ngan ukur paguneman di mandala maya wungkul. Aya ketak anu nyata di mandala nyata (kahirupan nyata) hususna pikeun Sumedang.

Hasil tetelepék mah acara kirang langkungna aya opat rupa, nyaéta:

  1. Magunemkeun masalah potografi anu pernah dipagunemkeun di grup pésbuk Sumedang Tandang.
  2. Magunemnkeun perkara Komunitas jeung ngumpulkeun data komunitas anu aya di Sumedang.
  3. Acara di grup Save Tampomas, perkara ngawanohkeun program jual beuli Kaos pikeun ngarojong melak tatanén di Tampomas.
  4. Ngawanohkeun program e-Magazine.
Gempungan Grup Pesbuk Sumedang Tandang anu munggaran
Gempungan Grup Pesbuk Sumedang Tandang anu munggaran

Ieu acara téh bisa diiluan ku saha waé, sahanteuna anu hayang wawanohan jeung silaturahmi, manjangkeun babarayaan hususna pikeun urang Sumedang. Boh anu ngajrek di Sumedang atawa anu keur ngumbara di mana waé ayana. Béh jauhna anu hayang majukeun Sumedang.

(Gambar kagungan Kang Taufik)

6 thoughts on “Gempungan Munggaran Grup Pésbuk Sumedang Tandang

    • Kaleresan wae ieu mah nuju hoyong ngadamel seratan-seratan dina basa Sunda.
      Ngawitanana mah bade campur, mung ka dieunakeun janten hoyong sadaya seratan dina Basa Sunda, sanaos target nu maosna mung sabudeureun Jawa Barat wungkul.

      Katampi salam pangwanohna….

      Like

  1. walah kang meni sae kitu basa sunda na, sy mah geura ku asa pabalatak kieu basa sunda teh, campur-campur kitu.. mudah-mudahan sareng ayana blog ti akang sy tiasa diajar deui basa sunda nu bener tur lemes..

    hatur nuhun pisan

    Like

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s