Ngajadikeun Sumedang Pangjugjugan Ngaliwatan SPBS


Maca seratan Pa Dodo Widarda, S.Ag., M.Hum, salaku anu ngararancangan kawijakan Sumedang Puseur Busaya Sunda (SPBS), ngeunaan Orientasi Sumedang Puseur Budaya Sunda anu dipedalkeun ku Kabar Priangan. Ieu seratan ngaguar ngeunaan pakaitna nasib Sumedang ka hareupna reujeung Sumedang Puseur Budaya Sunda (SPBS). Ku ayana sababaraha poroyék gedé anu keur dipigawé di Sumedang, nyaéta poroyék jalan tol Cisumdawu, bendungan Jatigedé katut Bandar Udara Kertajati di Majalengka katut pangwangunan Jatinangor anu bakal jadi pangrojong kana pangwangunan dayeuh Bandung, bakal mawa akibat anu goréng ka Sumedang. Pikeun nyingkahan akibat anu goréng ieu, salasahijina dijieun program Sumedang Puseur Budaya Sunda (SPBS). Ieu program dijieun supaya dayeuh Sumedang téh jadi tempat pangjugjugan pikeun urang luar Sumedang. Sanajan geus aya jalan tol, henteu ngakibatkeun urang luar embung ngajugjug dayeuh Sumedang.

Jadi, pokona program SPBS mah kumaha supaya dayeuh Sumedang téh jadi dayeuh pangjugjugan. Jalma-jalma ti luar Sumedang ngahaja datang ka Sumedang kusabab aya anu dideugdeug. Ngan anu jadi masalahna, tacan aya wujud anu nyata ngeunaan program SPBS ieu. Nepikeun ka ayeuna tacan aya janggélékna éta program téh. Masalah séjénna, ngeunaan jalan anu dipaké pikeun ngajugjug ka tempat pangjugjuganana. Nempo kana kanyataan ayeuna, jalan-jalan di Sumedang katempo garoréngna.

Lambang Sumedang Motekar
Lambang Sumedang Motekar

Hiji hal anu bisa dijadikeun cekelan, cenah sanggeus Bupati katut réngrénganana pindah ka ngantorna ka tempat anu anyar di Induk Pusat Pemerintahan, Gedong Negara anu salila ieu dipaké pikeun ngantorna Bupati Sumedang bakal dijadikeun puseur kagiatan budaya. Sagala kagiatan budaya dipuseurkeun di Gedong Nagara ieu. Kari nungguan waé ketak saterusna. Ngeunaan jalan, mudah-mudahan waé sanggeus jalan tol bisa dipaké mah jalan di Sumedang téh moal babari raruksak kusabab kaliwatan waé ku mobil galedé.

 
 

One thought on “Ngajadikeun Sumedang Pangjugjugan Ngaliwatan SPBS

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s