Kumaha Warta Stadion Gedébagé Ayeuna?


Cenah mah sakeudeung deui Stadion anu diwangun Gedébagé téh bakal réngsé. Kira-kira bulan ayeuna réngséna téh. Sakuduna mah éta stadion téh geus réngsé dina bulan Désémber 2012. Ngan kusabab aya halangan utamana kusabab keur usum hujan, ngaréngsékeun stadion téh paling dina bulan Maret ayeuna. Nempo potrét anu panganyarna mah kari mémérés luarna wungkul. Iuh-iuhna geus réngsé diterapkeun.

Stadion anu diwangun di wewengkon Gedébagé ieu miboga tempat diuk pikeun anu lalajo anu lobana 38 rebu korsi. Mimiti diwangun dina bulan Oktober 2009 ku PT Adhi Karya. Engkéna stadion ieu bakal dijadikeun tempat tanding (home base) tim Persib Bandung dina ngalakonan Liga Indonésia. Ogé mangrupakeun tempat pikeun nyanghareupan acara PON XIX anu bakal dilumangsungkeun di Jawa Barat.

Stadion Gedebage
Stadion Gedebage

Ngeunaan ngaran anu bakal dipaké pikeun ngaranan ieu stadion tacan bisa ditangtukeun. Da béda-béda kahayangna. Aya anu hayangeun dingaranan Gelora Dada Rosada salaku Wali Kota Bandung. Aya ogé anu hayangeun dingaranan Gelora Gedébagé Bandung, jeung Gelora Bandung Lautan Api. Pikeun muguhkeun ngaranna, ahirna mah bakal nyokot jumlah anu panglobana tina SMS anu dikirim ku masarakat. Masarakat anu hayang ilubiung kana milih ngaran stadion di Gedébagé ieu bisa milih salasahiji ngaran tina tilu ngaran SUS Gelora Bandung Lautan Api, Gelora Gedébagé Kota Bandung, atawa Gelora Rosada. Carana ngirim SMS ka nomer 082121272700 kalawan eusi SMS-na: NGARAN NU NGIRIM. ALAMAT. NOMER TELEPON. PILIH A/B/C. SMS anu diilukeun téh ti mimiti ping 4 Maret nepikeun ka ping 22 Maret. Ngaran anu kapilih bakal dibawa kana gempungan DPRD Kota Bandung dina ping 28 Maret saméméh ditetepkeun dina bulan Aprilna.

(Potret meunang nginjeum ti @stadiongedebage)

2 thoughts on “Kumaha Warta Stadion Gedébagé Ayeuna?

  1. Ninggal stadion ieu dina kaca damri teh jadi sok ngabayangkeun nuju aya di Inggris ninggal stadion Wembley.
    Mending namina nu netral lah, Gelora Padjadjaran atw Pasundan ge sae.😀

    Like

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s