Bakal Calon Bupati/Wakil Bupati Sumedang Lulus Kabéhanana


Sanggeus dilakukeun pamariksaan sarat-sarat anu diancokeun ku unggal bakal calon bupati/wakil bupati Sumedang, ahirna mah KPU Daérah Sumedang netepkeun yén sakabéh bakal calon Bupati/Wakil Bupati téh lulus jadi Calon Bupati/Wakil Bupati Sumedang periodeu 2013-2018. Kadalapan pasang Calon Bupati/Wakil Bupati éta mibogaan hak pikeun maju dina Pemilukada 2013 anu bakal dilumansungkeun dina bulan Pébruari. Ieu kaputusan KPU Daérah Sumedang téh dijieun dina poé Senén, 17 Désémber 2012 ngaliwatan rapat pléno anu dilumangsngkeun di Aula KPU Sumedang. Ieu rapat diluuhan ku Ketua PPK, tim pamariksa (verifikasi) katut Panwaslu.

Kaputusan ieu ditetepkeun satutasna KPU Daérah Sumedang ngaliwatan tim verifikasi jeung tim Pokja Pencalonan réngsé mariksa sarat-sarat anu dipikabutuh pikeun jadi Calon Bupati/Wakil Bupati. Utamana sarat pangrojong pangsaeutikna pikeun calon luar partéy (calon mandiri) anu sahanteuna kudu dirojong ku 3% jumlah warga atawa 37.192 rojongan. Sanggeus dipariksa, pangrojong unggal calon mandiri téh geus nambahan tibatan rojongan saméméhna. Jumlah pangrojong anu dihasilkeun téh 48.465 rojongan pikeun pasangan Eni Sumarni/Arrys Sudrajat, 45.950 rojongan pikeun Ecek Karyana/Irwanto, katut 46.090 pikeun pasangan Oom Supriatna/Erni Juwita.

Maskot Pemilukada Sumedang
Maskot Pemilukada Sumedang

Salian ti jumlah rojongan pikeun calon mandiri, dipariksa ogé sarat-sarat séjénna diantarana waé ijasah anu diasupkeun. Naha bener ijasahna atawa henteu. Dipariksa ogé ngeunaan Akte Kelahiran katut format surat ti KPK ngeunaan harta banda unggal bakal calon.

Ahirna mah calon Bupati/Wakil Bupati Sumedang téh jadi:

  1. Oom Supriatna/Erni Juwita (calon mandiri)
  2. Eni Sumarni/Arrys Sudrajat (calon mandiri)
  3. Tatang Sutarna/Hendrik Kurniawan (calon ti PAN, Hanura, Gerindra, PKB)
  4. Ecek Karyana/Irwanto (calon mandiri)
  5. Didi Ahmadi Djamhir/Ridwan Solichin (calon ti PBB jeung PKS)
  6. Agus Welianto Santoso/Mully Mulyati Sukarya (calon ti PDI P)
  7. Endang Sukandar/Ade Irawan (calon ti PPP jeung Demokrat)
  8. Taufiq Gunawansyah/Usep Komaruzzaman (calon ti Golkar)

(Warta meunag nyutat ti http://kpud-sumedangkab.go.id)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s