Bakal Calon Bupati Sumedang


Dina mapag Pemilukada Sumedang taun 2013, ahirna mah kaluar ogé daptar bakal calon (Balon) Bupati/Wakil Bupati. Anu daptar katut katarima sarat-saratna ku KPU Daérah Sumedang aya dalapan pasang atawa 16 urang. Kadalapan pasang Balon ieu baris naék kana tahapan saterusna nyaéta pamariksaan sarat-sarat (verifikasi), naha maranéhna bisa jadi calon Bupati/Wakil Bupati atawa henteu. Jadi sanajan mimitina aya dalapan pasang bakal calon, anu lolos jadi calon mah bisa waé ngurangan.

Maskot Pemilukada Sumedang
Maskot Pemilukada Sumedang

Tina dalapan pasang ieu, tilu pasang diantarana mangrupakeun bakal calon mandiri lain utusan ti partéy. Aranjeunna ngajukeun diri pikeun jadi calon téh henteu dirojong ku partéy anu biasa ngiluan Pemilu, tapi ku kahayang sorangan katut pangrojong ti masarakat. Sedengkeun sésana, dirojong ku partéy anu ngiluan Pemilu 2009 katut miboga wawakil di DPRD Sumedang.

Tilu pasang balon anu ngiluan ti jalur mandiri téh nyaéta Oom Supriatna/Erni Juwita, Eni Sumarni/Arrys Sudradjat, katut Ecek Karyana/Irwanto. Sedengkeun lima pasang balon anu diajukeun ku partéy nyaéta Tatang Sutarna/Hendrik Kurniawan anu dirojong ku Gabungan partéy PAN, Hanura, Gerindra jeung PKB. Pasangan saterusnya nyaéta Didi Djamhir/Ridwan Solichin anu dirojong ku PBB jeung PKS, pasangan Agus Welianto Santoso/Euis Mully Sekarwangi anu dirojong ku PDIP, pasangan Endang Sukandar/Ade Irawan anu dirojong ku PPP jeung Partéy Demokrat, katut pasangan Taufiq Gunawansyah/Usep Komaruzaman anu dirojong ku Partéy Golkar.

Sanggeus dilakukeun pamariksaan sarat-saratna ku KPU, dina ping 17 Désémbér bakal kaluar sababaraha pasang calon anu baris tarung marebutkeun korsi Bupati jeung Wakil Bupati Sumedang dina periodeu 2013-1018.

2 thoughts on “Bakal Calon Bupati Sumedang

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s