Miheulaan Néwak Saméméh Ditéwak


Ayeuna keur ramé-raména gétréng antara KPK jeung kulisi (polisi). Dua lembaga anu sakuduna runtut raut sauyunan jeung silih asah silih asih jeung silih asuh dina gawéna, bet ‘siga’ anu mumusuhan. Dua lembaga ieu siga lain reujeung babaturan deui, tapi geus siga reujeung musuh. KPK anu gawéna pokona pikeun nyingkabkeun kasus korupsi bet asup kana lembaga kulisi. Lembaga kulisi téh kakait kasus korupsi ngeunaan proyek Simulator SIM. Atuh kusabab ieu hal aya pakaitna reujeung korupsi, KPK anu kudu nyingkabkeunana. Di pihak kulisi embungeun kasus korupsi ieu dicekelan jeung disingkabkeun ku KPK. Kulisi mah hayangeun ieu kasus téh dicekelan ku kulisi deui.

Antukna mah pabetot-betot antara KPK jeung kulisi. Ngan kalolobaan pihak, ngarojong KPK pikeun nyingkab ieu kasus kusabab geus jadi tugas KPK pikeun nyingkabkeun kasus korupsi. Sanajan kasusna aya di lembaga kulisi. Lembaga kulisi angger embungeun lamun ieu kasus téh diurus ku KPK. Sanajan kitu, pangrojong pikeun KPK dina nyingkabkeun ieu kasus terus ngocong. Utamana ti masarakat mikahayang supaya ieu kasus dibereskeun ku KPK.

Béja panganyarna nyebutkeun cenah penyidik KPK anu ditugaskeun pikeun nyingkabkeun ieu kasus (kasus korupsi alat simulator SIM), arék ditéwak ku kulisi kusabab kakait kasus némbak anu maling di Bengkulu dina taun 2004. Ngeunaan arék ditéwakna penyidik ieu, loba anu nyebutkeun ieu mah kalakuan kulisi anu hayang ngahalangan KPK pikeun nyingkabkeun kasus korupsi ieu. Sababna, lamun anu ditugaskeun pikeun nyilidik kasus korupsina ditéwak ku kulisi, saha deui anu arék nyilidikna. Jadi ieu mah akal-akalan kulisi pikeun ngahalangan KPK.

Alat simulator SIM

Jadi inget kana carita kumaha lamun diudag maung. Jalma anu sieun diudag maung, taya deui carana téh salian ti ngudag éta maung saméméh diudag ku maungna. Ieu kajadian téh bisa dilarapkeun ka kulisi dina kasus ieu. Saméméh kulisina beunang ku KPK, beunangkeun heula KPK-na. Saméméh ditéwak ku KPK, téwak heula KPK-na.

Ngan hanjakal cara ieu téh sawatara waktu mah taya hasilna. Da KPK (penyidik KPK) henteu bisa katéwak ku kulisina. Jadi KPK bisa terus nyilidik kasus di kulisi ieu.

(Gambar meunang nginjeum ti http://www.tribunnews.com/)

35 thoughts on “Miheulaan Néwak Saméméh Ditéwak

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s