Siap Sayaga Nyanghareupan Pemilukada Sumedang


Meunang warta yén di Sumedang ayeuna téh geus mimiti ramé pikeun nyanghareupan Pemilihan Umum Kepala Daérah (Pemilukada) Sumedang anu bakal nangtukeun saha anu bakal jadi Bupati Sumedang dina taun 2013 nepikeun ka taun 2018. Sanajan acarana Pemilukadana téh kawilang lila kénéh, ancer-ancerna dina bulan Pébruari 2013, tapi raména henteu nepikeun ka pareum. Ti mimiti ngawanohkeun éta acara Pemilukada ka sakumna masarakat anu dilumangsungkeun ku KPU Daérah Sumedang, nyieun panitia anu bakal ngaping jeung ngalumangsungkeun éta Pemilukada (PPK/PPS) nepikeun saha waé anu kira-kira bakal nyalonkeun jadi calon Bupati Sumedang.

Maskot Pemilukada Sumedang

Sabenerna mah siap-sayagana pikeun nyanghareupan éta Pemilukada téh geus ti béh ditu mula. Kira-kira ti bulan Juni kénéh KPU geus nyieun RKP (Rencana Kebutuhan Biaya) Pemilihan Bupati Sumedang anu diteruskeun ku nyayagakeun panitia anu bakal ngalumangsungkeun disebut PPK (Panitia Pemilihan Kecamatan) jeung PPS (Panitia Pemungutan Suara). Tug nepikeun ka kiwari anu keur ngahangkeutkeun ngawawarkeun ngeunaan Pemilukada ka masarakat. KPU Sumedang terus ngawanohkeun ka masarakat ngeunaan Pemilukada, supaya masarakat anu miboga hak pikeun milih, bisa nohonan hakna.

Ngeunaan ngawanohkeun ieu téh lain taya tujuan anu jelas. Sanajan kabéh masarakat geus apal kana ayana Pemilukada, henteu kabéh masarakat ngiluan milih. Hal ieu bisa kailikan dina Pemilukada saméméhna, henteu kabéh masarakat anu mibogaan hak pikeun milih bisa milih. Anu milih téh cenah mah kurang ti 90%. Jadi tujuan ngawanohkeun ieu leuwih condong kumaha supaya sakabéh masarakat anu geus panceg umur pikeun milih, bisa ngiluan milih dina Pemilukada.

Cutatan:

  1. Gambar meunang nginjeum ti KPU Kabupaten Sumedang
  2. Warta meunang nyutat ti KPUD Sumedang

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s