Kunaon Sababna Jalan di Sumedang Diantepkeun Ruksak


Ahirna mah meunang warta ogé ngeunaan jalan di Kabupaten Sumedang. Utamana alesan naon sababna jalan di Sumedang diantepkeun sina raruksak. Nurutkeun warta anu dipedalkeun ku Sumedang Online, anu nyutat katerangan ti Kapala Dinas Pekerjaan Umum Kabupaten Sumedang, aya sababaraha alesan naon sababna jalan-jalan di Sumedang telat dibebenerna. Salasahiji alesanana téh cenah mah ayana rarancang bakal naékna harga bengsin (BBM) kamari-kamari anu henteu jadi. Saméméh jelas naék atawa henteuna éta harga béngsin mah, tacan bisa nyieun ténder pagawéan anu baris dipagawé ku pamaréntahan. Sabab bisa mangaruhan kana alus jeung goréngna hasil gawé anu dilantarankeun ku bédana harga antara anu diténderkeun reujeung kanyaataanana. Kitu cenah.

Jalan beypas di Sumedang anu ruksak

Salian ti éta, aya alesan séjénna, nyaéta ayana sistem lelang maké jalan internét ngaliwatan LPSE. Kusabab ieu sistem téh kawilang anyar, jadi  Dinas PU perlu diajar heula ngeunaan LPSE ieu. Aturan anyar dina taun 2011 geus jelas, yén dina waktuna lelas ngaliwatan LPSE, dokumén-dokuménna kudu lengkep kaasup ditambahan ku KAK (Kerangka Acuan Kerja), RAB jeung dokumén lainna kudu lengkep. Akibatna lelangna jadi telat.

Geningan saperti kitu….

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s