Resepna Lalajo Paméran Pembangunan Sumedang Baheula


Sababaraha poé kamari nepikeun ka poé Jumaah ayeuna ping 8 Juni 2012, di Sumedang dilumangsungkeun Paméran Pembangunan (Paméran Pangwangunan). Pameran anu dilumangsungkeun ti mimiti ping 2 Juni 2012 miboga tujuan pikeun ngaronjatkeun niléy jual produk-produk anu jadi andelan Sumedang. Produk-produk anu diancokeun dina pameran ieu utamana hasil tatanén. Paméran ieu nyokot tempat di Pacuan Kuda, kota Sumedang.

Ngeunaan Paméran Pembangunan ieu, osok inget ka jaman baheula keur sakola di SD. Baheula mah Pamera Pembangunan téh osok jadi tujuan pakanci (liburan) ka dayeuh Sumedang. Resepna téh inditna bareng ti sakola, saha waé anu hayang miluan, bisa milu (tapi, kudu mayar ongkos rarasaan mah). Inditna naék mobil treuk, dibarengan ku sababaraha urang guru anu ngaping. Mobil treuk téh biasana mah pinuh ku barudak. Indit rada isuk-isuk, ngumpul heula di sakola.

Pameran pembangunan Sumedang ayeuna

Dina nepina ka tempat paméran téh resepna kukurilingan. Nempoan unggal jongko anu midangkeun produkna séwang-séwangan. Dipapay hiji-hiji. Anu bisa diasaan, diasaan heula. Anu bisa dicobaan, dicobaan heula. Anu bisa ditempo, ditempoan heula. Teu poho jajan meuli manisan atawa tahu. Ari dahar mah biasana mekel ti imah séwang-séwangan, aya anu nimbel sangu atawa mekel uras.
Balikna, teu poho nyimpang heula ka Gunung Kunci atawa Gunung Puyuh. Malahan sakali waktu mah balikna nyimpang heula ka Cipanas Cileungsing.

(Gambar meunang nginjeum ti https://www.facebook.com/)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s