Prosésor Allwinner A10, Prosésor Rundayan Cortex A8 pikeun Tablét kaluaran Cina


Prosésor Allwinner A10 mangrupakeun hiji jinis prosésor anu keur mahabu di nagri Cina. Ieu prosésor dijieun dumasar kana rarancang ARM Cortex A8. Ku mahabuna ieu prosésor, harga ieu prosésor di Cina kacida murahna. Ieu prosésor dijual kira-kira 7 dolar lamun meulina loba. Ieu prosésor miboga kamampuhan anu alus tibatan prosésor anu sarua kaluaran ti pausahaan di luar Cina. Prosésor Allwinner A10 miboga prékuénsi 1,2 GHz katut dilengkepan ku prosésor grapis MALI400 GPU. Ieu kamampuhan téh ninggalkeun prosesor anu sajinis ti pausahaan séjénna saperti prosesor kaluaran Texas Instrument (TI). Sanajan prosésor kaluaran ti TI leuwih murah, tapi prékuénsina diwawatesan ngan ukur 500 MHz ditambah ku euweuhna prosésor grapis. Prosésor grapis pakétanana, nyaéta PowerVR 3D GPU dijualna misah. Sedengkeun prosésor kaluaran Ingenic, jz4770 anu hargana sarua tapi prékuénsi ngan ukur 1 GHz MIPS. Jeung sanajan ieu prosésor miboga prosésor grapis Vivante GC600 GPU, tapi kapinunjulanana séjénna henteu bisa ngungkulan Allwinner A10 saperti kalengkepan port HDMI. Prosésor séjénna, kaluaran ti AMLogic Cortex A9 hargana leuwih mahal, 13 dolar reujeung prékuénsina ngan ukur 800 MHz.

Kamonésan atawa kapinunjulan anu aya dina ieu prosésor nyaéta:

  1. Dijieun dumasar kana rancangan Cortex A8 ARM Core 1,2 GHz.
  2. Diteundeunan prosesor grapis MALI400MP OpenGL ES 2.0 GPU.
  3. Kadali mémori DDR3 Controller 800MHz 1GB max.
  4. 2160p Hardware-accelerated Video playback (4x dina resolusi 1080p).
  5. Kadali memori NAND Flash Controller anu mampu ngadalikeun IC nepikeun ka 8 siki.
  6. 4 siki antarmuka SDIO (SD 3.0, UHI class).
  7. Kadali utama USB 2.0.
  8. 24-pin RGB/TTL pikeun kaluaran HDMI.
  9. SATA-II 3gb/detik.
  10. 10/100 Ethernet (sarupa jeung MII).
  11. Antarmuka kadua 24-pin RGB/TTL anu bisa digunakeun babarengan reujeung antarmuka IDE (PATA).
  12. Kadali GPIO, I2C, PWM, Keyboard Matrix (8×8), katut Resistive Touchscreen jeung anu séjénna.
Prosesor Allwinner A10

Loba pausahaan Cina anu ngagunakeun ieu prosésor pikeun diterapkeun dina tablet anu dijieunna. Tablét (kompiuter anu layar wungkul) kaluaran ti Cina ieu kawilang murah ogé hargana tibatan tablét kaluaran ti nagi séjénna. Diantara tablét anu aya di pasar téh nyaéta Momo9, Ainol Novo7A, Onda Vi40 Elite, jeung anu séjénna. Malahan di Indonesia ogé geus aya tablét anu sajinis kaluaran ti IMO, anu dingaranan IMO Z5.

(Gambar meunang nginjeum ti http://micdigi.com/)

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s