Bendungan Jatigedé, Ngadadak jadi Tempat Pakanci

Bendungan Jatigedé nurutkeun rarancang anu anyar mah, bakal mimiti dipaké dina ping 1 Oktober 2013. Torowongan anu salila ieu dipaké kokocoran cai gaganti walungan saméméhna anu ngaliwatan bendungan téh bakal ditutup. Cai anu salila ieu ngocor terus téh sina minuhan patempatan di girangeun bendungan. Ngeunaan pangwangunana, ayeuna masih kénéh dipaju ku kontraktor ti nagri China, Sinohydro.

Salasawios jalan anu bisa diliwatan pikeun muru ka bendungan Jatigede

Méakeun kapanasaran kumaha kaayaanana éta bendungan dina danget ayeuna, dina poé Saptu (10/8) kamari mah nyobaan ngincig muru ka bendungan Jatigedé. Nyokot jalan anu ti wewengkon Tomo muru ka béh kidulkeun, mapay jalan gedé anu alus nuju ka wewengkon Jatigedé. Jalan anu disorang alus pisan, béda reujeung kalolobaan jalan anu aya di wewengkon Sumedang. Ngan hanjakal pabeubeurang mah hawana kacida panasna. Anu muru ka bendungan téh geningan loba batur: aya anu maké kandaraan gilinding dua, aya ogé anu maké kandaraan gilinding opat. Ngadon arulin ka bendungan, papada hayang apal kumaha kaayaanana. Henteu anéh lamun pikeun sawatara waktu mah bendungan téh jadi tempat pakanci lebaran taun ayeuna. Kabeneran, dina wanci peré ayeuna mah wewengkon deukeuteun bendungan téh dibuka bisa diasupan ku saha waé. Da lamun dina poé biasa mah henteu meunang diasupan ku masarakat. Antukna bendungan téh ramé ku anu ngadon arulin.

Saméméh bendunganana dipaké (dicaian), bisa apal kana wangunanana ti kadeudeutan. Torowongan caina béh girang (lain béh hilir wungkul) katut témbok bendunganana. Lamun dina poéan biasa mah cenah ngan ukur bisa nempo bagéan hilirna wungkul.

Perenahna bendungan Jatigede

Jalan liliwatan ka bendungan Jatigede ti wewengkon Tomo

Wangunan bendungan ti ka jauhan

Wangunan torowongan anu beh luhur

Jalma anu ngaliwat deukeuteun wangunan bendungan

Wangunan torowongan cai beh girang ditempo ti luhureun bendungan

Wangunan bendungan

Pangwangunan bendungan tacan rengse

Walungan anu dipendet

Torowongan cai beh girang

Wangunan bendungan disawang ti hilir

Torowongan cai beh hilir